नेता कार्कीको निधनमा कांग्रेसले २ दिन पार्टी झण्डा आधा झुकाउने

७ भदौ, काठमाडौं । नेपाली कांग्रेसले नेता डा. राजाराम कार्कीको निधनको शोकमा भदौ ७ र ८ गते पार्टीको झण्डा आधा झुकाउने भएको छ ।

बिहीबार बसेको केन्द्रीय समितिको आकस्मिक बैठकले कार्कीको निधनमा शुक्रबार केन्द्रीय र जिल्ला कार्यालयहरु बन्द गर्ने निर्णय गरेको हो । 

लामाे समयदेखि बिरामी रहेका कार्कीकाे ६६ वर्षकाे उमेरमा वीर अस्पतालमा बुधबार निधन भएको थियो । कार्कीको आज बिहीबार नै पशुपति आर्यघाटमा दाहसंस्कार गरिनेछ । 

धादिङको नीलकण्ठ नगरपालिका निवासी कार्की कांग्रेस धादिङका महासमिति सदस्य एवं नेपाल तरुण दलका पूर्वमहासचिवसमेत थिए । स्वर्गीय कार्कीका दुई श्रीमती, चार छोरा र एक छोरी छन् ।