प्लिज मलाई नगिजोल्नुस : समिक्षा अधिकारी

७ भदौ, काठमाडौं । गायीका समिक्षा अधिकारीले भीसा दुरूपयोग गरेपछि अष्ट्रेलिया प्रवेशमा प्रतिबन्ध लगाइएको समाचारप्रति आपत्ति जनाएकी छिन् ।   बिहीबार सामाजिक सञ्जाल फेसबुक मार्फत अष्ट्रेलिया प्रवेशमा प्रतिबन्ध लगाइएको कुरा झुठो भएको बताइएकी हुन् ।

उनले लेखेकी छिन्, सामाजिक संजालमा मेरो बारेमा आएका न्युजहरु हेरेर म आफै आश्चर्य चकित भएकी छु।  प्लिज मलाई नगिजोल्नुस । सामाजिक संजालमा आएको कुराले म अष्ट्रेलिया वा अन्य देश बस्ने विद्वान दाजु भाइ दिदि बैनीहरु लाई सोध्न चाहन्छु यहाँ निर मेरो गल्ति के भयो । एउटा उमेर पुगेको मान्छे अष्ट्रेलिया नियम परिधि भित्र रहेर आफ्नो बसाइ अष्ट्रेलियामा लम्बाएर बस्दा एकतर्फी रुपले  अलिकति कुरा पनि नबुझी किन म माथि प्रहार गर्नु भो ?

उनले अगाडि लेखेकी छिन्, अहिलेको मेरो भिषा निबेदनको स्थितिमा फाइनान्सको केहि डकुमेन्ट थप गर्नु पर्ने स्थितिमा मैले पठाई सकेकी छु भएको यति हो । म एउटा अध्याँरो समयलाई आफ्नै बलबुता र दर्शक, शुभचिन्तकको मायाले बिर्सेर अगाडी बढ्न खोज्दै गर्दा किन मेरो बदनाम गराउन उद्दत हुनु हुन्छ, मैले भोग्न पर्ने भोगी सके सहन पर्ने सहि सके प्लिज मलाई नगिजोल्नुस ।