मुद्दाको सुनुवाइ हुने संभावना नदेखिएपछि सन्दीपलाई पाकिस्तान पठाइँदै

७ भदौ, काठमाडौं । क्रिकेटर सन्दीप लामिछानेविरुद्ध काठमाडौं जिल्ला अदालतमा जारी बलात्कारसम्बन्धी मुद्दाको अन्तिम सुनुवाइको संभावना न्युन रहेको भन्दै लामिछानेलाई आउँदो आइतबार एसिया कप क्रिकेट खेल्न पाकिस्तान पठाउने भएको छ । 

मुद्दाको पेसी आइतबारका लागि तोकिए पनि त्यो दिन सुनुवाइ हुने सम्भावना कम भएपछि उनलाई आइतबार पाकिस्तान पठाउने तयारी भएको उनका कानून व्यवसायीले जनाएका छन् । यसअघि साउन ३२ मा सुनुवाइ हुने भनिएपनि रोकिएको थियो । सोबारे नेपाल क्रिकेट संघ (क्यान)लाई जानकारी दिइसकिएको छ । 

एसिया कप खेल्न राष्ट्रिय क्रिकेट टोलीका अन्य सदस्य भने यही मंगलबार पाकिस्तान पुगिसकेका छन् । टिममा सन्दीपको नाम समावेश गरिएपनि अन्तिममा हटाइएको थियो । कपको उद्घाटन खेल भदौ १३ गते पाकिस्तान र नेपालबीच प्रतिपस्र्धा हुनेछ । त्यसपछि भारतविरुद्ध खेल्न नेपाल श्रीलंका प्रस्थान गर्नेछ । भारत र नेपालबीचको खेल  भदौ १८ गते हुनेछ। 

एसियाकप पछि मात्रै पेसी तोक्न सन्दीप पक्षले निवेदन दिने तयारी गरेको छ । यसअघि विश्वकप छनोट खेल्न जिम्बाबेमा जाने क्रममा पनि पेशीकै कारण टोलीभन्दा पछि त्यहाँ पुगेका थिए ।

यो पनि पढ्नुहोस