रिट दायर नगरेको विरोधमा सर्वोच्च अदालतमा धर्ना बस्ने पुगेका शर्मा पक्राउ

७ भदौ, काठमाडौं । सर्वोच्च अदालतको मुख्य द्वारमा धर्ना बस्न पुगेको एक युवकलाई प्रहरीले पक्राउ गरेको छ । सर्वोच्च अदालतले रिट दर्ता नगरेर पक्षपात गरेको भन्दै बिहीबार अनसन बस्न पुगेका देव शर्मालाई पक्राउ गरेको हो । 

शर्माले कोशी प्रदेशका मुख्यमन्त्रीले यही भदौ ४ गते प्रदेशसभा बैठकबाट विश्वासको मत लिने क्रममा प्रदेशसभा संचालन गरिरहेका सभाध्यक्षले समेत मत दिएर गैरसंवैधानिक कार्य गरेको भन्दै बदरको मागसहित दर्ता गराउन खोज्दा दर्ता नगरेको भन्दै विरोधमा अनसन बस्न पुगेका थिए । 

गेट अगाडि पाेलिट मारेर धर्ना बसिरहेका बेला उनलाइ त्यहाँ तैनाथ प्रहरीले पक्राउ गरी गाडीमा राखेर लगेकाे छ

सोही विषयमा नेकपा (एमाले) कोशी प्रदेश संसदीय दलका नेता हिक्मत कार्कीको रिट भने बुधबार दर्ता भएको थियो । उक्त रिटमाथि सुनुवाइका लागि न्यायाधीश ईश्वरप्रसाद खतिवडाको एकल इजलासमा पेशी तोकिएको छ ।