आँगनमा लडेर घाइते भएकी महिलाको मृत्यु

७ भदौ, काठमाडौं ।  रामेछापमा आफ्नै घरको आँगनमा लडेर गम्भीर घाइते भएकी एक महिलाको मृत्यु भएको छ । लिखु तामाकोशी गाउँपालिका–४ की ४५ वर्षीया सरिता तामाङको गएराति घरको आँगनमा चिप्लिएर लड्दा गम्भीर घाइते भएकी थिइन् । 

तत्काल उद्धार गरी स्थानीय स्वास्थ्य संस्थामा उपचार गराउने क्रममा उनको मृत्यु भएको प्रहरीले जनाएको छ । घटनाबारे थप अनुसन्धान भइरहेको जिल्ला प्रहरी कार्यालय रामेछापले जनाएको छ ।