प्रतिनिधिसभाका विषयगत १० वटा संसदीय समिति सभापतिको निर्वाचन भदौ ११ मा गर्ने सहमति

७ भदौ, काठमाडौं । संघीय संसद अन्तर्गतको प्रतिनिधिसभाका विषयगत १० वटा संसदीय समिति सभापतिको निर्वाचन भदौ ११ गते हुने भएको छ ।

बिहीबार सभामुख देवराज घिमिरेको कार्यकक्षमा भएको प्रमुख ४ राजनीतिक दलका प्रमुख सचेतक, सचेतकहरुको बैठकले भदौ ११ गते १० वटै विषयगत समिति सभापतिको निर्वाचन गर्ने सहमति गरेको हो । 

निर्वाचन प्रक्रियाबारे आजै सूचना जारी हुने नेकपा (एमाले)का सचेतक महेश बर्तौलाले जानकारी दिए । समितिका सदस्यहरू चयन भएको लामो समय बितिसक्दा पनि दलहरुबीचको कचिलोका कारण सभापति चयन हुन नसक्दा विषयगत विधेयकमाथि छलफल हुन सकेको छैन । यसबाट थुप्रै ऐन बन्न सकिरहेको छैन ।