संघीय निजामती ऐनकाे विधेयक चाँडो ल्याउन माग

७ भदौ, काठमाडौं । प्रतिनिधिसभाको बैठक बोल्ने सांसदहरुले संघीय निजामती ऐन चाँडो ल्याउन सरकारको ध्यानाकर्षण गराएका छन् । नेकपा (माओवादी केन्द्र)की सांसद रुपा सोशी चौधरीले संघीय निजामती नआउँदा कर्मचारीको तीनै तहका कर्मचारीबीच कार्यक्षेत्र निर्धारण गर्न र सरुवा समस्या बढेको बताइन् । 

उनले ऐनका लागि विधेयक छिटो संसदमा पेस गर्न माग गरिन् । सानातिना बाहनामा संसद बन्धक बनाउनु गलत भएको भन्दै सरकारले सीआइबीले छानबिन गरिरहेका बेलामा पपनि गम्भीर भएर सुन तस्करीको छानबिन गर्न प्रतिपक्षको कुरा सुन्ने काम गरेको बताइन् । 

उनले कपिलवस्तु लगायत तराईका केरा बालीमा देखिएको पानामा रोग नियन्त्रणका लागि सरकारले तत्काल ठोस कार्यक्रम घोषणा सरकारसँग माग गरिन् । पाना रोग लागेका बाली क्षेत्र शिल्ड गरेर उपचारको प्रबन्ध मिलाउन र क्षति पुगेका किसानलाई क्षतिपूर्ति व्यवस्था गर्नुपर्ने बताइन् ।