भदौ १२ गते सांसदहरुले उठाएका प्रश्नको प्रधानमन्त्रीले जवाफ दिने

७ भदौ, काठमाडौं । संसद बैठकमा प्रधानमन्त्री प्रचण्डसँग सांसदहरुको प्रत्यक्ष प्रश्नोत्तर कार्यक्रम भदौ १२ गते हुने भएको छ । सभामुख देवराज घिमिरेले बिहीबार प्रतिनिधिसभाको बैठकमा प्रत्यक्ष प्रश्नोत्तर कार्यक्रम यही भदौ  १२ गते मंगलबार बिहान ११ बजेका लागि राखिएको जानकारी दिएका छन् । 

प्रत्येक महिनाको एकचोटी प्रधानमन्त्रीले सांसदहरुले बैठकमा प्रत्यक्ष रुपमा सोध्ने प्रश्नको जवाफ दिँदै आएका छन् । सांसदहरुले सरकारका कामकारवाही र मुलुकमा विकसित घटनाक्रम तथा जनताका तहबाट उठेका विषयमा प्रश्न सोध्ने गरेका छन् । 

त्यसरी सोधिने प्रश्न भदौ ८ गते शुक्रबार दिउँसो ३ बजेभित्र संघीय संसद सचिवालयमा बुझाउनु पर्ने जानकारी समेत सभामुख घिमिरेले सदनमा दिएका छन् ।