आइसीसी वुमन्स टी–२० को तेस्रो खेलमा नेपाल मलेसियासँग पराजित

८ भदौ, काठमाडौं । आइसीसी वुमन्स टी–२० एसिया क्षेत्र छनोटअघिको चार देशीय सिरिजको आफ्नो तेस्रो खेलमा नेपाल मलेसियासँग विकेटले पराजित भएको छ ।

मलेसियाको बायोमास स्पोर्टस् एण्ड इभेन्ट कम्प्लेक्स मैदानमा जितका लागि नेपालले दिएको ८४ रनको लक्ष्य मलेसियाले  १६.२ ओभरमा ४ विकेट गुमाएर भेट्टाएको हो ।

मलेसियालाई जिताउन ओपनर ऐन्ना हमिजा हसिमले नट आउट ३७ रन बनाइन् । महिरा इज्जती इस्मालीले २१ रन जोडिन् । बलिङतर्फ नेपालका रुबिना क्षेत्री, सीता राना मगर र  पूजा महतो समान १ विकेट लिए । 

नेपालले पहिलो खेलमा हङकङलाई ६ विकेट र दोस्रो खेलमा कुवेतलाई ३८ रनले पराजित गरेको थियो ।

मलेसियासँग हार व्यहोर्नु परेपनि रनरेटका आधारमा नेपाल शिर्ष स्थानमा रहँदै फाइनल प्रवेश गरेको छ । मलेसिया भने प्रतिस्पर्धाबाटै बाहिरिन पुगेको छ ।

नेपालले भोलि शनिबार दोस्रो स्थानमा रहेको हङकङसँग फाइनल खेल्नेछ । यो चारदेशीय शृंखलापछि नेपालले मलेसियामा नै आइसीसी वुमन्स टी–२० एसिया क्षेत्र छनोट खेल्ने तय भएको छ ।