सरकार मुलुकलाई भ्रष्टाचारमुक्त बनाउने मिसनमा लागेकाे छ : माधव नेपाल

८ भदौ, काडमाडौं । सरकार घटक नेकपा (एकीकृत समाजवादी) अध्यक्ष माधवकुमार नेपालले वर्तमान गठबन्धन सरकार पाँच वर्षसम्म चल्ने दाबी गरेका छन् ।

शुक्रबार वीरगन्जमा आयोजित समाजवादी मोर्चा नेपालको सन्देश सभालाई सम्बोधन गर्दै अध्यक्ष नेपालले गन्धबन्धन सरकार पाँच वर्षसम्म जाने र तस्कर, भ्रष्टाचारीमाथिको कारवाही निरन्तर चल्ने बताए । उनले जुनसुकै बेला तस्करी र भ्रष्टाचार काण्डमाथि सरकारले छानबिन गर्ने उनको भनाइ छ । 

मुलुकलाई भ्रष्टाचारमुक्त बनाउने मुख्य ध्येय रहेको बताउँदै छानबिनमा निर्दोष व्यक्ति पर्न नहुने बताए ।भ्रष्टाचारमुक्त मुलुक बनाउने मिसनमा सरकार रहेकाे उनकाे भनाइ छ । मुलुकलाई समाजवादमा पुर्याउन समाजवादी मोर्चा गठन भएको उनले बताए । 

माओवादी केन्द्र, एकीकृत समाजवादी, जसपा र नेकपा मिलेर समाजवादी मोर्चा गठन गरेका छन् । मोर्चाको हालै बसेको बैठकले सात वटै प्रदेशमा सन्देश सभा गर्ने निर्णय गरेको थियो । सोहीअनुरुप आज मधेश प्रदेशका लागि वीरगन्जमा सभा आयोजना गरिएको हो । सभाको व्यवस्थापन जसपाले गरेको छ ।