टीकापुरमा बालक टेक बहादुरको पूर्ण कदको शालिक स्थापना

८ भदौ, काठमाडौं । २०७२ भदौ ७ मा कैलालीको टीकापुर घटनामा ज्यान गुमाएका ३ वर्षे बालक टेक बहादुर साउँदको शालिक स्थापना गर्न लागिएको छ ।

घटनाको ८औं स्मृति दिवसको अवसरमा बिहीबार भूमि व्यवसथा मन्त्री रञ्जिता श्रेष्ठले स्व. साउदको पूर्ण कदको शालिक अनावरण गरिन् । शालिक स्थापनाले बालक र उनका परिवारलाई थोरै भएपनि न्याय गरेको मन्त्री श्रेष्ठले बताइन् । 

२०७२ भदौ ७ गते थरुहट र थारुवान आन्दोलनको क्रममा टीकापुर आन्दोलनकारी र प्रहरीबीच झडप हुँदा गोली लागेर साउँदको मृत्यु भएको थियो । सो घटनामा नेपाल प्रहरीका एसएसपी लक्ष्मण न्यौपाने, जवान तथा सशस्त्र प्रहरीका इन्स्पेक्टर, जवान गरी ७ जा सुरक्षाकर्मीको ज्यान गएको थियो । 

मन्त्री श्रेष्ठ नेतृत्वको राजनीतिक दल नागरिक उन्मुक्ति पार्टी र टेक बहादुर साउँद स्मृति प्रतिष्ठानले संयुक्त रूपमा शालिक स्थापना गरेको हो ।