त्रिशुली बस दुर्घटनाका घाइतेहरूकाे उपचार जारी, राष्ट्रियसभाका अध्यक्ष तिमिल्सिनाले भेटे

८ भदौ, काठमाडौं । राष्ट्रियसभाका अध्यक्ष गणेशप्रसाद तिमिल्सिनाले धादिङस्थित त्रिशुली नदीमा खसेर भएको बस दुर्घटनाका घाइतेहरुको स्वास्थ्य अवस्थाको बारेमा जानकारी लिएका छन् ।

उनले आज काठमाडौंका ल्याई ट्रमा सेन्टर, बयोधा अस्पताल, क्रिष्ट मेडिकल कलेज, मेडिसिटी र बि एण्ड बि अस्पतालमा उपचार गराइरहेका १४ घाइतेहरुलाई भेटेर स्वास्थ्य अवस्थाबारे जानकारी लिएका हुन् । 

काठमाण्डौंबाट म्याग्दीको बेनीबजार जाँदै गरेको म्याग्दी कोरला यातायात प्रालिको प्रदेश ३–०१–००५ ख ९९५२ नम्बरको बस त्रिशुली नदीमा खस्दा ८ जना यात्रुको मृत्यु भएको थियो । अन्य १७ जना यात्रु घाइते भएका थिए । गम्भीर १४ घाइतेलाई काठमाडौं ल्याइ उपचार गराइरहेको हो ।