कांग्रेसले टुंग्यायो संसदीय समितिमा चार उम्मेदवारको नाम

१० भदौं, काठमाडौं । नेपाली कांग्रेसले संसदीय समितिका सभापतिको नाम टुङ्ग्याएको छ । संसदीय समितिमा आज उम्मेदवारी दर्ता हुँदैछ । उम्मेदवारी दर्ताका लागि सत्तारुढ कांग्रेसले संसदीय समितिका सभापतिका उम्मेदवारको टुंगो लगाएको हो ।  

जसअनुसार राज्य व्यवस्था समितिको सभापतिमा रामहरि खतिवडा, संसदीय सुनुवाइमा जीवन परियार, कृषिमा आरजु राणा र अर्थ समितिमा सन्तोष चालिसेको नाम टुङ्ग्याएको हो । प्रमुख दलको बाँडफाँड अनुसार कांग्रेसको भागमा चार वटा समितिको सभापति परेको थियो ।  

प्रतिनिधिसभा निर्वाचन सम्पन्न भएको ९ महिना पछि आज संसदीय समितिको सभापतिका लागि उम्मेदवारी मनोनयन हुन लागेको हो ।