आजबाट माण्डु हाइड्रोपावरको आईपीओ बिक्री खुल्ला

१० भदौ, काठमाडौं । माण्डु हाइड्रोपावरले आइतबार भदौ १० गतेदेखि आज बाट सर्वसाधारणलाई आईपीओ बिक्री खुल्ला गरेको छ ।

कम्पनीले फेस भ्याल्यू १०० रूपैयाँमा १०६ रूपैयाँ प्रिमियम थप गरी प्रतिकित्ता २०६ रूपैयाँका दरले १३ लाख ६ हजार ३०६ कित्ता शेयर आईपीओ बिक्रीमा ल्याएको हो । जसमध्ये २८ हजार ८५३ कित्ता शेयर कम्पनीका कर्मचारीहरूका लागि छुट्याइएको छ  । 

 त्यस्तै, ७२ हजार १३३ कित्ता सेयर सामूहिक लगानी कोषलाई बाँडफाँट गरिएको छ । बाँकी १२ लाख ५ हजार ३२० कित्ताका लागि सर्वसाधारणले आवेदन दिन सक्नेछन् । कम्पनीले यसअघि आफ्नो जारी पुँजी १ अर्ब ३६ करोड ३६ लाख ३७ हजार रूपैयाँको १०५ अर्थात् ७२ हजार ७३० कित्ता शेयर वैदेशिक रोजगारीमा रहेका नेपालीलाई बिक्री गरिसकेको छ । 

सर्वसाधारणले न्यूनतम् १० कित्तादेखि ५० हजार कित्ताका लागि आवेदन दिन सक्नेछन् । यसमा भदौ १३ गतेसम्म आवेदन दिन पाइनेछ । उक्त समयमा सबै शेयर बिक्री नभएमा भने भदौ २४ गतेसम्म पनि आवेदन खुला रहनेछ । कम्पनीको शेयर निष्काशन तथा बिक्री प्रबन्धक प्रभु क्यापिटल रहेको छ । लगानीकर्ताले सी–आस्वा प्राप्त बैंक तथा वित्तीय संस्था तथा मेरो शेयरमार्फत शेयर भर्न सक्नेछन् ।