एमसीसी सम्झाैता कार्यान्वयन राेक्न कार्यालय घेराउ गर्दै नेकपा

१० भदौ, काठमाडौं । नेत्रविक्रम चन्द ‘विप्लव’ नेतृत्वको नेकपाले मिलेनियम च्यालेन्ज कर्पोरेसन (एमसीसी)सँग सरकारले गरेको सम्झौता कार्यान्वयन रोक्न आज देशव्यापी प्रर्दशन गर्ने भएको छ । संसदबाट १२ बुँदे व्याख्यात्मक टिप्पणीसहितको एमसीसी सम्झौताको कार्यान्वयन रोक्न नेकपाले देशव्यापी विरोध प्रर्दशन गर्न लागेको हो ।

आजै सम्झौता कार्यान्वयन गराउन दरबार मार्गमा स्थापना गरिएको एमसीसीको नेपाल एकाउण्टको कार्यालय घेराउ गर्ने जनाइएको छ । शनिबार कार्याल प्रमुख खडकबहादुर विष्टको पुत्ल दहन गरेको थियो । 

पूर्वघोषित कार्यक्रम अनुसार आइतबार देशव्यापी प्रदर्शन र काठमाडौं उपत्यकाका प्रदर्शनकारीले कार्यालय घेराउन गर्ने भएका छन् । सरकारले गरेको व्याख्यात्मक टिप्पणीलाई समेत बेवास्त गरेर कार्यालयले जबर्जस्त रुपमा सम्झौता कार्यान्वन गर्न खोजेको भन्दै नेकपाले आक्रोश व्यक्त गर्दै आइरहेको छ । 

उसले कार्यालयले सहयोग रकम गर्न गर्न भनी तोकिएको जिल्ला नुवाकोट, काठमाडौं, धादिङ, तनहुँ नवलनपरासी लगायत जिल्लाम प्रशारण लाइन विस्तारका लागि हाइटेन्सन टावर निर्माण गर्न नदिने बताउँदै आइरहेको छ ।

विकास सहयोगले बाहनामा अमेरिकाले सरकारसँग सम्झौता गरेर आफ्नो सेनालाई नेपालभित्र वैध तवरले खडा गराउने चालबाजीसाथ राष्ट्रघाती सम्झौता अगाडि सारेको आरोप नेकपाको छ । अमेरिकाले सम्झौतामा विद्युत प्रसारण लाइन विस्तारका लागि टावर निर्माण र ग्रामीण क्षेत्रका सडक निर्माणका लागि पाँच वर्ष लगाएर ५५ अर्ब रुपैयाँ सहयोग गर्ने, त्यसको एक चौथाई रुपैयाँ नेपालले व्यवहोर्नै पर्ने सर्त उल्लेख छ । सरकारले व्यहोर्न नसकेको खण्डमा त्यहीबेलाबाट उसले हात झिक्ने र नेपालले क्षति व्यहोर्नुपर्ने सर्त राखिएको छ । साथै सम्झाै कार्यान्वयनबाट गम्भीर समस्या उत्पन्न भएमा समाधान गर्ने विषयमा नेपालकाे कानूनभन्दा सम्झाैता माथि हुने उल्लेख छ । तैपनि दलहरूले संसदबाट पारित गरेपछि सम्झाैता विवादित बनेकाे हाे ।

भदौ ५ गतेदेखि सुरु भएको विभिन्न स्वरुपको आन्दोला भदौ ११ गते काठमाडौं र १३ गते नुवाकोटमा बृहत अन्तरक्रिया कार्यक्रम संचालन गर्ने नेकपाले जनाएको छ । नेकपाले गएको साउन अन्तिम साता कपिलवस्तुको शिवगढीमा सम्पन्न पार्टीको केन्द्रीय समितिको बैथकले एमसीसी सम्झौता पूर्ण रुपमा खारेजीका लागि संघर्ष गर्ने निर्णय गरेको थियो । बिहीबार भएको एमसीसीको पुत्ला दहनका क्रममा सुर्खेत, कञ्चनपुर, दाङ लगायत जिल्लामा प्रहरीले नेकपाका नेता कार्यकर्ताहरुमाथि हस्तक्षेप गरेको थियो ।

सम्झौताको विरोधमा मोहन वैद्य नेतृत्वको क्रान्तिकारी कम्युनिष्ट पार्टी नेपाल पनि सडक संघर्षमा उत्रिएको छ । उसले सम्झौता कार्यान्वयनमा आँखा चिम्लिएको भन्दै प्रधानमन्त्री प्रचण्डलाई गएको बिहीबार बाँकेको कोहलपुरमा कालो झण्ड देखाएको थियो । दुवै पार्टी सम्झौता हुनै नदिने पक्षमा लागेका छन् । 

विष्ट नेतृत्वको एमसीसीको नेपाल कार्यालयले भन यही भदौ १३ गते अर्थात जुलाई ३० देखि पूर्ण  रुपमा कार्यान्वयनमा जाने बताइसकेको छ । त्यस क्रममा एमसीसीको उपनिर्देशक र एसिया हेर्ने निर्देशक निकट दिनमै नेपाल भ्रमणमा आउँदैछन् ।