सार्वजनिक लेखामा पोखरेल र महिला तथा सामाजिक सभापतिमा शाहले गराए उम्मेदवारी दर्ता

१० भदौ, काठमाडौं । प्रमुख प्रतिपक्षी दल एमालेबाट सांसद ऋषिकेश पोखरेलले संसदको संसदीय समिति सार्वजनिक लेखाको सभापतिमा उम्मेदवारी दर्ता गराएका छन् । 

आइतबार बिहान सत्तारुढ दल नेपाली कांग्रेस सांसद राजेन्द्र केसीको प्रस्तावमा पोखरेलले उम्मेदवार दर्ता गराएका हुन् । उनको समर्थनमा एमाले सांसद दामोदर भण्डारी बसेका छन् ।

यसैगरी एमालेबाटै सांसद किरणकुमार शाहले महिला तथा सामाजिक समिति सभापतिमा उम्मेदवारी दर्ता गराएका छन् । उनको प्रस्तावकमा कांग्रेस सांसद शान्ति बिक र समर्थनमा एमाले सांसद अस्माकुमारी चौधरी रहेका छन् । 

प्रतिनिधिसभाका १० वटा विषयगत समितिको सभापतिको निर्वाचन भोलि सोमबार हुँदैछ । निर्वाचनका लागि उम्मेदवारहरुले आज दिउँसो ४ बजेसम्म उम्मेदवारी दर्ता गराउने सक्नेछन् ।