माओवादी केन्द्रले पाएको पूर्वाधार विकास समिति राप्रपालाई, सभापतिमा सिंहकाे उम्मेदवारी दर्ता

१० भदौ, काठमाडौं । प्रतिनिसभाअन्तर्गतको १० संसदी समितिमध्ये प्रतिपक्षी दल राष्ट्रिय प्रजातन्त्र पार्टी (राप्रपा)ले पूर्वाधार विकास समिति पाएको छ । समितिको भागबण्डमा कांग्रेसलाई ४, एमालेलाई ३, माओवादीकेन्द्रलाई २, जसपा,  एकीकृत समाजवादी, जनमतलाई १/१ वटा भागमा परेको थियो । 

त्यस कानून, न्याय र मानवअधिकार समिति र पूर्वाविकास समितिको सभापति माओवादी केन्द्रको भागमा परेको थियो । त्यसमा आज माओवादी केन्द्रले पूर्वाधार विकास समिति सभापति प्रतिपक्षी दल राप्रपालाई दिएको हो । समितिमा माओवादीले उसका सांसद माधव सापकोटालाई सभापतिमा उठाउने निर्णय समेत गरिसकेको थियो । 

तर एकाएक उक्त समिति राप्रपालाई दिने समझ्दारी बनेको हो । नयाँ समझ्दारीसँगै राप्रपाले सांसद दीपक सिंहलाई सभापतिमा उम्मेदवारी गराएको छ । बिहानसम्म नेपाली कांग्रेसको भगमा परेको संसदीय सुनवाइ विशेषसमिति दिने समझ्दारी भएपनि कांग्रेसभित्र भाग मिलाउन नसक्दा माओवादीको भागबाट दिने अवस्था बनेको स्रोतको भनाइ छ । संसद्मा राप्रपाका १४ सांसद छन् ।