एकीकृत समाजवादी निकट अनेरास्ववियूको अध्यक्षमा आरती लामा चयन

१० भदौ, काठमाडौं । सरकार साझेदार दल नेकपा (एकीकृत समाजवादी) निकट विद्यार्थी संगठन अनेरास्ववियूको अध्यक्षमा आरती लामा चयन भएकी छन् ।

अनेरास्ववियूका अध्यक्ष रहेका सुदेश पराजुलीले आइतबार सामाजिक सञ्जालमा स्टाटस लेख्दै आफू विद्यार्थी राजनीतिबाट बिश्राम लिएर संगठनको नेतृत्व लामाको आगमन भएको जानकारी दिएका छन् । 

अनेरास्ववियूको अध्यक्षमा लामा र महासचिवमा महेश श्रेष्ठ चयन भएको उनले जनाएका छन् । २०७९ भदाै ९ मा एमालेबाट फुटेर नवगठित एकीकृत समाजवादीकाे विद्यार्थी संगठनकाे जिम्मेवारी पराजुलीले सम्हाल्दै आएका थिए ।