स्नातक तह परीक्षामा स्ववियू सभापतिकाे नामबाट परीक्षा दिने नक्कली परीक्षार्थी पक्राउ

११ भदौ, काठमाडौं । सर्लाहीमा स्नातक तहको परीक्षामा नक्कली परीक्षार्थी पक्राउ परेका छन् । इलाका प्रहरी कार्यालय बरहथवाले अर्कैको नाममाबाट परीक्षा दिइरहेको अवस्थामा शुभ जनता बहुमुखी क्याम्पस परीक्षा केन्द्रबाट विष्णुकमार श्रेष्ठलाई प्रहरीले आइतबार पक्राउ गरेको हो । 

श्रेष्ठले हरिवनस्थित चुतर्भुजेश्वर बहुमुखी क्याम्पसका स्ववियू सभापति प्रेमराज दाहालको स्थानमा नक्कली परीक्षाथी ृबनेर परीक्षा दिइरहेको अवस्थामा पक्राउ गरिएको प्रहरीले जनाएको छ । उनले सनातक तहको मानविकी संकायको मानव शास्त्र परीक्षा दिएका थिए । 

दाहालको परीक्षार्थी सिम्बल नं. ६०२३२३३३८ मा श्रेष्ठले परीक्षा दिएको थियो । पक्राउ परेका अभियुक्त श्रेष्ठ हरिवन नगरपालिका–१ का बासिन्दा हुन् । उनलाई इलाका प्रहरी कार्यालय बरहथवामा राखेर अनुसन्धान भइरहेको प्रहरीले जनाएको छ ।