पत्थरीको अपरेसन गर्दा बिरामीको मृत्यु घटनामा अस्पताल र चिकित्सकविरुद्ध जाहेरी दिइँदै

११ भदौ, काठमाडौं । कैलालीको धनगढीस्थित स्वस्तिक कार्डियो एण्ड मल्टिस्पेसालिटी हस्पिटलमा एक बिरामीको मिर्गौलामा रहेको पत्थरी निकाल्न शल्यक्रिया गर्दा ज्यान गएपछि चिकित्सकविरुद्ध जाहेरी दिने तयारी पीडित परिवारले गरेका छन् । 

हनिबार कञ्चनपुरको बेलौरी नगरपालिका–१० शिवनगरका ५५ वर्षीय ऐजनलाल चौधरीको मृगौलामा रहेको पत्थरी निकाल्न अपरेसन गर्दा रगत बग्ने क्रम नरोकिएपछि ज्यान गएको थियो । 

रगत नरोकिएपछि चिकित्सकले दुवै मृगौला फाल्नुपर्ने र अनिमात्र बिरामी बच्ने बताएका कारण फाल्न अनुमति र तैपनि बिरामीको ज्यान गएको मृतकका भतिजा राजकुमार चौधरीले बताए । चिकित्सकको लापरवाहीले बिरामीको ज्यान गएको भन्दै कर्तव्य ज्यान कसुरमा चिकित्सक र अस्पताल प्रशासनविरुद्ध अनुसन्धान गर्न प्रहरीमा किटानी जाहेरी दिने उनले बताए ।

मृतककाे शव परिवारले बुझ्न मानेका छैनन् । अनुसन्धान नभएसम्म शव नबुझ्रने उनीहरूले अडान राखेका छन् ।