सडकमा निर्माण सामग्री राख्‍नेलाई २५ हजार जरिवाना

११ भदौ, काठमाडौं । काठमाडौं महानगरपालिकाले सडकमा निर्माण सामग्री राखेर यातायात असुरक्षित बनाउने रातोपुलका एक स्थानीयलाई २५ हजार रुपैयाँ जरिवाना तिराएको छ । महानगपालिका–९ रातोपुलमा स्थानीय रामकुमार थापालाई २५ हजार रुपैयाँ जरिवाना तिराएको हो । 

सडकमा राखिएको निर्माण सामग्रीका कारण सडक यातायातमा असुरक्षा पैदा भएको र आवतजावतमा समस्या पार्ने काम गरेको भन्दै पहिलो कारवाहीस्वरुप दण्ड जरिवाना तिराइएको हो ।