चीनले जारी गरेकाे नयाँ नक्सामा भारतको अरुणाञ्चल समावेश

१२ भदौ, कामठााडैं । चीन सरकारले आधिकारिक नयाँ नक्सा जारी गरेको छ । अगस्ट २१ मा चीनको प्राकृतिक स्रोत मन्त्रालयले  ‘चीनको आधिकारिक नक्साको २०२३ संस्करण’ प्रकाशित गरेको हो । 

उक्त नक्सामा अरुणाचल प्रदेश र अक्साइ चीन क्षेत्र सम्पूर्ण रुपले चीनको भूगोलभित्र समेटिएको छ । दक्षिण चीन सागरको समग्र क्षेत्र पनि चीनभित्र देखाइएको छ । जसलाई  ‘नाइन ड्यास लाइन’ले आफ्नो क्षेत्रभित्र पारेको हो ।
यस्तै, ताइवानमाथि पनि आफ्नो दाबी प्रस्तुत गर्न चीनले ‘टेन्थ ड्यास लाइन’ को प्रयोग गरेको छ । यसपछि चीनले डिजिटल नक्साहरु सार्वजनिक गर्ने जनाइएको छ ।

यसअघि भारतले आफनो राजनीतिक नक्सामा नेपालको लिपुलेक, लिम्पियाधुरा, कालापानी समेटेर नयाँ नक्सा जारी गरेको थियो । त्यसपछि केही महिनापहिले भारतले धार्मिक नक्सामा नेपालको दक्षिणी भूमि कपिलवस्तु, लुम्बिनी र विराट नगर समेटेर विवाद निम्त्याउने काम गरिरहेको छ ।