संसदमा गगन थापाले भने- ‘प्रधानमन्त्रीज्यू, यसपटक नयाँ तरिकाबाट विषयकाे सामना तयार हुनुस्’

१२ भदौ, काठमाडौं । संघीय सांसद एवं नेपाली कांग्रेसका महामन्त्री गगनकुमार थापाले केही नेपाल ऐन संशोधन विधेयकमार्फत सरकारले एकै पटक धेरै कानुन संशोधन गर्न खोजेर जघन्य अपराधका दोषीलाई उन्मुक्ति दिन खोजेको भन्दै विरोध जनाएका छन् । 

यसअघि कानून, न्याया तथा संसदीय मामिला मन्त्री धनराज गुरुङले दफावार छलफलका लागि यसअघि पेस गरेको फौजदारी अपराध संहिता–२०७४ को केही प्रावधानलाई समेत संशोधन गर्न ल्याइएको उक्त विधेयकमा मंगलबार प्रतिनिधिसभा बैठकमा धारणा राख्दै थापाले गम्भी रमानव अधिकार उल्लंघन घटनाका दोषीलाई उन्मुक्ति दिने गरी विधेयक ल्याएको भन्दै विरोध जनाए । 

उनले विधेयक गलत तरिकाले ल्याइएको र प्रधानमन्त्रीले यसलाई सहजै बहुमतले पारित हुन्छ भन्ने नसोच्न समेत उनले चेतावनी दिए । उनले विधेयकलाई संसदीय समितिको विषयगत समितिमा लगेर व्यापक छलफल गर्ने र सधैं हेपाहमा राखिएका आफूहरुले देखाइदिने बताए । उनले प्रधानमन्त्री प्रचण्डलाई नयाँ तरिकाबाट विषयको सामना गर्न तयार हुनु समेत सुझाव दिए ।

एउटै विधेयकमा धेरै कानून संशोधन गर्ने बाटो राजेर कानून मन्त्रीले सांसदहरुलाई हेप्ने काम गरेको बताए । उनले सांसदलाई हेप्ने र बेवास्ता गर्ने कानूनको भारी नबोक्ने समेत आग्रह गरे । ‘आज पनि संसदलाई हेपेको हो । संसदीय व्यवस्थामा सरकारलाई के लाग्छ भने म सँग बहुमत छ, मैले जे ल्याए पनि टेबुल ठटाएर पारित हुन्छ भन्ने लाग्छ । यो हामीलाई हेपेको हो, हामी हेपिने कि नहेपिने यसपटक देखाउनुछ, विधेयक समितिमै जाने हाे, भेट त्यही हुन्छ, जमेर बहस गरौंला, लडौंला ।’

मन्त्री गुरु कांग्रेसका उपसभापति समेत हुनु । उनी शेखर–गगन समूहबाटै मन्त्री बनेका हुन् ।