हाजिर गेरर सांसद भागेपछि केही नेपाल ऐन संशोधन गर्न बनेको विधेयक निर्णायार्थ पेस भएन

१२ भदौ, काठमाडौं । मंगलबार बसेको प्रतिनिधिसभाको बैठकमा सांसदहरुको गणपूरक संख्या नपुग्दा ‘केही नेपाल ऐन संशोधन गर्न बनेको विधेयक २०८०’ निर्णायार्थ पेस हुन सकेन । 

संविधानको धारा ९४ ले कुनैपनि विधेयक बैठकमा निर्णायार्थ प्रस्तुत हुन काय रहेका सांसदहरुको संख्याका एक चौथाई अर्थात ६९ हुनेपर्ने व्यवस्था छ । आजको बैठकमा ५९ जना सांसद मात्र उपस्थित रहेकाले विधेयकलाई निर्णायार्थ प्रस्तुत गर्न नसकिएको जानकारी सभामुख देवराज घिमिरेले बैठकमा दिएका छन् । 

यसअघि विधेयकमाथि दुई दर्जन भन्दा सांसदहरुले छलफलमा भाग लिँदै धारणा र प्रश्न राखेका थिए । सांसदहरुले विधेकमा राखिएका प्रावधान र आवश्यकतामाथि उठाएका प्रश्नहरुको जवाफ कानून, न्यायाा तथा संसदीय मामिला मन्त्री धनराज गुरुङले दिएका थिए । जवाफपछि सभामुख घिमिरेले विधेयकलाई निर्णायार्थ प्रस्तुत गर्ने क्रममा सांसद सुमाना श्रेष्ठ श्रेष्ठ, ठाकुर गैरे, दामोदर पौडेल ‘बैरागी’, हितराज पण्डेले बैठकमा सांसदहरुको गणपूरक संख्या नरहेको भन्दै प्रस्तुत रोक्न नियमापत्ति जनाएका थिए ।

प्रतिनिधिसभाको अर्को बैठक यही भदौ १८ गते दिउँसो १ बजे बस्ने गरी स्थगित गरिएको छ । नियमापत्तिपछि संसद सचिवालयले ३ मिनेट घण्टी बजाएर गणना गर्दा ५९ जना सांसद मात्र उपस्थित रहेको पाइएपछि सभामुख घिमिरेले विधेयक निर्णार्याथ प्रस्तुत रोकेर बैठक ६ दिन पछि बस्ने गरी बैठक स्थगित गरेका हुन् ।

निर्णायार्थ प्रस्तुत भएर पारित भएकाे खण्डमा विधेयक थप छलफलका लागि संसदकाे विषयगत समितिमा पठाइने थियाे ।