आयो जनै पूर्णिमा [ फाेटाेफिचर ]

१३ भदौ, काठमाडौं । प्रत्येक वर्ष श्रावण शुक्ल पूर्णिमाका दिनमा मनाइने उपाकर्म, ऋषितर्पणी र रक्षाबन्धन बिहिबार विधि पूर्वक स्नान, ऋषि तर्पण र हातमा डोरो बाँधी मनाइँदैछ । जनै पूर्णिमा नजिकिएसँगै बजारमा राखि जनै र धागोहरुको व्यापार पनि बढेको छ ।

आज भोलि राखि लगाउने परम्परा फस्टाउँदै छ । बजारमा पनि जनै भन्दा धेरै राखि को किनमेल बढि छ । ब्राह्मण र क्षत्रीय पुरुषहरूले हिन्दु परम्परा अनुसार यज्ञोपवीत अर्थात् जनै लगाउने चलन रही आएको छ । बाल्यकाल पश्चात् विधि पूर्वक व्रतबन्ध कर्म सम्पन्न गरी गुरु(पुरोहितद्वारा अरूले नसुन्ने गरी कानमा गायत्री मन्त्रको उच्चारण गरेपछि एउटा निष्ठामय धर्म र सत्यको बाटो अवलम्बन गर्ने दृढ सङ्कल्प लिएर देब्रे काँधमाथि पर्ने गरी दाहिने हातको मुन्तिर पारेर गुरु पुरोहितले मन्त्रेर तयार पारेको जनै ग्रहण गरिन्छ ।