सुदूरपश्चिममा उपचुनावका लागि निर्वाचन आयोग छलफलमा

१३ भदौ, काठमाडौं । निर्वाचन आयोगले सुदूरपश्चिम प्रदेशमा रिक्त पदमा निर्वाचन गराउने विषयमा छलफल सुरु गरेको छ । सुदूरपश्चिम प्रदेशका तत्कालीन आन्तरिक मामिला मन्त्री पृथ्वीबहादुर सिंहको गएको असार ४ सवारी दुर्घटनामा परी निधन भएपछि बझाङको प्रदेश (क) निर्वाचन क्षेत्र रिक्त छ । 

रिक्त रहेका प्रदेश र स्थानीय तहमा उपनिर्वाचनका लागि छलफल सुरु भएको आयोगका प्रवक्ता शालिग्राम शर्मा पौडेलले बताए । पूरा कार्यकालको ६ महिना बाँकी रहेको अवस्थामा उपनिर्वाचनमार्फत रिक्त पद पूर्ति गर्नुपर्ने व्यवस्था छ । 

स्थानीय चुनाव २०७८ बैशाख १० र प्रदेश/संघको चुनाव २०७९ मंसिर ४ मा भएको थियो । दिवंगत सिंह नेपाली कांग्रेसबाट निर्वाचित भएका थिए ।