एसिया कप क्रिकेट : करण र रोहितले लिए पाकिस्तानको एक/एक विकेट

१३ भदौ, काठमाडौं । पाकिस्तानको मुल्तान मैदानमा सुरु भएको एसिया कप क्रिकेट प्रतियोगितामा नेपाल–पाककिस्तानबीच पहिलो खेल चलिरहेको छ । तस जितेर पाकिस्तानले ब्याटिङ रोजेपछि नेपालले बलिङ गरिरहेको छ । 

नेपाली टिमका करण केसीले पाकिस्तानको पहिलो विकेट झारेका छन् । उनले पाकिस्तानका ओपनर ब्याट्सम्यान फखर जमान १४ रन बनाएर पेभेलियन फर्काएका हुन् । जमान क्याच आउट भएका हुन् ।
त्यसपछि कप्तान रोहित पौडेलले इमाम उल हकलाई रनआउट गराएका छन् ।