एमालेको सचिवालय बैठकले के गर्‍यो निर्णय ?

१३ भदौ, काठमाडौं । नेकपा (एमाले) केन्द्रीय सचिवालय विशेष बैठक बुधबार सिराहाको धनगढीमाई नगरपालिका–४, सर्रे अम्बासमा सम्पन्न भएको छ । 

बैठकले महत्वपूर्ण ऐतिहासिक, राजनीतिक प्रस्तावहरु सहित विशेष प्रस्ताव पारित गरेको एमालेका प्रचार विभाग प्रमुख राजेन्द्र गौतमले बताए । 

बैठकले विभिन्न घेराबन्दी र षडयन्त्रबीच एमाले देशको मुख्य शक्ति बनेको र जबजको मार्गदर्शनमा समृद्ध नेपाल, सुखी नेपालीको राष्ट्रिय आकांक्षा पूरा गर्न केन्द्रीय समितिबाट कार्यक्रम तय गर्ने लगायत निर्णय भएको गौतमले बताए । बैठकले चौथो महाधिवेशनको योगदानको उच्च मूल्यांकन गरेको छ ।

अम्वासमा २०४६ मा भएको एमालेको चौथो महाधिवेशनबाट मदन भण्डारी महासचिव चयन गरेको स्थानमा बसेको बैठकमा महाधिवशेन सम्पन्न भएको ३५ औं वर्ष प्रवेशको गरेको अवसर पारेर सोही ठाउँमासचिवालयको बैठक बसेको हो ।

बैठकका लागि नेताहरु उडानबाट अम्बास पुगेका थिए ।