विप्लवले बोलाए स्थायी समिति बैठक, मोर्चा र सरकारबारे धारणा तय गरिने

१४ भदौ, काठमाडौं । नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी (नेकपा)ले स्थायी कमिटी बैठक बोलाएको छ । सरकारले विवादस्पद एमसीसी परियोजना सम्झौता बुधबारबाट कार्यान्वयनमा लगेपछि राजनीतिकमा नयाँ घटनाक्रम बनेर देखा परेको छ । 

नेकपाले कार्यान्वयनको घोर विरोध गरिरहेको छ । कार्यान्वयन भएको घोषणकै दिन बुधबार नेकपालसहित ४ दलले देशभर सडक प्रदर्शन र विरोधसभा सम्पन्न गरेका  थिए । विरोधमा उत्रिएका दलममध्ये नेकपा खरो रुपमा उभिएको छ । उसले सरकारको कदम र आफू समेत आवद्ध समाजवादी मोर्चाको आगामी कार्यक्रमबारे धारणा तय गर्न बैठक बोलाएको नेकपाका एक नेताले बताए । 

बैठक भोलि शुक्रबार बिहान ८ बजेका बोलाइएको ति नेताले बताए । सम्झौतालाई राष्ट्रघाती भएको भन्दै कार्यान्वयन कुनैपनि हालतमा गर्न नदिने तर्क नेकपाले सार्वजनिक रुपमा गर्दै आइरहेको छ ।