पाँच दिनदेखि सम्पर्कविहीन सेनाका मेजर अझै फेला परेनन्

१४ भदौ, काठमाडौं । डोल्पा सदरमुकाम दुनैस्थित नन्दबक्स गुल्मका गुल्मपति (मेजर) विमल पण्डित अझै फेला पार्न सकेका छैनन् ।

दुनैस्थित बेसक्याम्पबाट आइतबार अपराह्न बडीगार्ड छाडेर हिँडेकासाथीसहित बाहिर निस्किएका गुल्मपति पण्डित साथीलाई फर्काएर सम्पर्कविहीन भएका थिए । पण्डित कागेश्वरी मनोहरा नगरपालिका, डाँछी निवासी हुन् ।

नेपाली सेना, प्रहरीहरूले पाँच दिनदेखि खोजी कार्य जारी राखेको तर फेला पार्न नसकेको प्रमुख जिल्ला अधिकारी भूमिश्वर पोखरेलले बताए । पण्डितको मोवाइल अन्तिम लोकेशन ब्यारेकबाट एक घन्टाको दूरीमा रहेको त्रिपुराकोटमा देखिएको प्रहरीले जनाएको छ ।