सर्वोच्चका प्रस्तावित न्यायाधीश शर्माविरुद्ध सुनुवाइ समितिद्वारा उजुरी आह्वान

१५ भदौ, काठमाडौं । सर्वोच्च अदालतका लागि प्रस्तावित न्यायाधीश विनोद शर्मा पाैडेलविरुद्ध संसदीय सुनुवाइ विशेष समितिले उजुरी आह्वान गरेको छ । 

शुक्रबार बसेको समितिको बैठकले १० दिन समय छुट्याएर उजुरी आह्वान गर्ने निर्णय गरेको हो । हालै बसेको न्याय परिषदको बैठकले न्यायाधीश नियुक्तिका लागि सिफारिस गर्ने निर्णय गरेको थियो ।

नियुक्ति अगाडि सार्वजनिक रुपमा उजुरी आह्वान गरेर प्राप्त उजुरीमाथि सुनुवाइ गनुपर्ने संवैधानिक व्यवस्था छ । सुनुवाइबाट अनुमोदन भएमा राष्ट्रपतिबाट नियुक्त हुने प्रावधान छ ।