उर्जामन्त्री बस्नेतले गरे विद्युतीय सवारी साधनको प्रदर्शनी उद्घाटन, ३ दिनसम्म चल्ने

१५ भदौ, काठमाडौं । नेपाल इलेक्ट्रिक पावर एण्ड लाइट इन्टरनेश्नल एक्स्पो भृकुटी मण्डपमा शुक्रबार सुरु भएको छ । प्रदर्शनीको उद्घाटन उर्जा तथा सिंचाई मन्त्री शक्तिबहादुर बस्नेतले गरेका छन् । 

तीन दिनसम्म चल्ने प्रदर्शनीमा चार पांग्रे, तीन र दुई पांग्रे सवारी साधन राखिएका छन् । अन्य घरेलु विद्दुतीय सामाग्रीहरु पनि राखिएका छन् । नेपालमा चालु आवको पहिलो महिनामा विद्युतीय सवारी साधनको खरिदबिक्री उल्लेख्य मात्रामा भएको व्यवसायीहरुले बताएका छन् । 

प्रदर्शनीको उद्घाटनपछि मन्त्री बस्नेत, विद्युत प्राधिकरणका कार्यकारी निर्देशक कुलमान घिसिङ लगायतले स्टलहरुको अवलोधन गरेका छन् ।