इन्दु बर्मा बनिन् प्लेयर अफ दि म्याच

१५ भदौ , काठमाडौं । नेपाली राष्ट्रिय टोलीकी उपकप्तान इन्दु बर्मा बहराइनविरुद्धको आजको खेलमा प्लेयर अफ दि म्याच घोषित बनेकी छन् । इन्दुले ४ ओभरमा २ मेडनसहित मात्र ५ रन खर्चेर ३ विकेट लिएकी थिइन् ।

उनकै सशक्त बलिङको बेगका कारण बराइनले २५ रनको झिने लक्ष्य दिएको थियो । सो लक्ष्य नेपालले २.५ ओभरमै पूरा गर्यो ।  आज मेरो दिन थियो, त्यसैले प्रर्दशन राम्रो भयो’ आजको जितपछि इन्दूले भनिन् ।

यसअघि इन्दुको अलराउण्ड .बलिङ र ब्याटिङ) प्रदर्शनपछि मलेसियलाई सहजै पराजित गरेको थियो । नेपालको आजसमेत गरी लगातार दोस्रो जित हो । 

आइसीसी वुमन्स टी–२० विश्वकप एसिया क्षेत्र छनोटअन्तर्गत आउने आइतबार तेस्राे खेल भुटानसँग खेल्नेछ ।