कर्णाली प्रदेशमा कार्यवाहक मुख्यमन्त्रीको जिम्मेवारी मन्त्री शाहीलाई

१५ भदौ, काठमाडौं । कर्णाली प्रदेशको कार्यवाहक मुख्यमन्त्रीको जिम्मेवारी भौतिक पूर्वाधार तथा सहरी विकास मन्त्री मंगल शाहीलाई दिइएको छ । 

बुधबार मुख्यमन्त्री राजकुमार शर्मा स्वीट्जरल्याण्ड भ्रमणमा निस्किएपछि प्रदेश प्रमुख तिलक परियारले शाहीलाई कार्यवाहक मुख्यमन्त्रीको जिम्मेवारी तोकेका हुन् । 

मुख्यमन्त्री शर्मा स्विट्जरल्यान्डको जुरिचमा अन्तर्राष्ट्रिय मानवअधिकार आयोग, अन्तर सरकार संस्थाको आयोजनामा हुने लगानी सहकार्य विषयक कार्यक्रममा सहभागी हुन बुधबार त्यसतर्फ प्रस्थान गरेका थिए । कार्यक्रम शुक्रबारसम्म चल्नेछ ।