एमसीसी सम्झौता कार्यान्वयनमा गएको ३ दिनपछि काठमाडौं आइपुगे अमेरिकी सिनेटर होलेन

१५ भदौ, काठमाडौं । अमेरिकी एमसीसी परियोजना सम्झौता कार्यान्वयनमा चरणमा प्रवेश गरेको तेसो दिनमै अमेरिकी सिनेटर क्रिस भाव होलेन शुक्रबार काठमाडौं आए पुगेका छन् । 

अमेरिकी सिनेटको परराष्ट्र सम्बन्ध समिति र राज्य तथा वैदेशिक कार्यसञ्चालन सम्बन्धी विनियोजन उपसमितिका सदस्य होलेन काठमाडौं आइपुगेका हुन् ।

होलेनले काठमाडौंमा उद्यमीहरुसँग भेटघाट गर्नुका साथै नेपालको स्वास्थ्य र पूर्वाधारका क्षेत्रमा भइरहेको अमेरिकी सहयोग कार्यान्वयनबारे जानकारी लिने नेपालका लागि अमेरिकी दूतावासले गरेको छ । होलेनलाई त्रिभुवन अन्तर्राष्ट्रिय विमानस्थलमा नेपालका लागि अमेरिकी राजदूत थम्पसनले रिसिभ’ गरेका थिए ।

यसअघि मंगलबार एमसीसीका उपाध्यक्ष क्यामरुन काठमाडौं आएका थिए । उनले बुधबार अर्थमन्त्री डा. प्रकाशशरण महतसँगकाे संयुक्त उपस्थितिमा एमसीसी सम्झौता कार्यान्वयनमा गएको घोषणा कार्यक्रममा सहभागी भएका थिए ।