थाइल्याण्डका पूर्व प्रधानमन्त्री सिनावात्राको सजाय एक वर्ष घटाइयो

१६ भदौं, एजेन्सी । थाइल्याण्डका राजाले शुक्रबार पूर्व प्रधानमन्त्री थाक्सिन सिनावात्रा (७४) को जेल सजाय आठ वर्षबाट घटाएर एक वर्षमा पुर्याएका छन् । 

थाइल्याण्डका राजा महा वजिरालोङकर्नको निर्णय शुक्रबार शाही राजपत्रमा प्रकाशित भएको थियो। सिनावात्रा १५ वर्षको स्वयम् निर्वासनपछि गत हप्ता थाइल्याण्ड फर्केका थिए, त्यसपछि उनलाई जेलमा राखिएको थियो । स्वास्थ्यमा समस्या देखिएपछि उनलाई जेलबाट अस्पताल लगिएको छ ।

थाइल्याण्ड एक संवैधानिक राजतन्त्र हो, जहाँ राजालाई दोषी अपराधीहरूलाई माफी दिने अन्तिम निर्णय गर्ने अधिकार छ। सिनावात्रा सन् २००१ देखि २००६ सम्म देशको प्रधानमन्त्री थिए ।