प्रतिनिधिसभा र राष्ट्रियसभा अन्तर्गतका तीन समितिको बैठक आज बस्दै

१७ भदौ, काठमाडौं । प्रतिनिधिसभा र राष्ट्रियसभा अन्तर्गतका तीन समितिको बैठक आज बस्दै छ । प्रतिनिधिसभा अन्तर्गत कृषि सहकारी तथा प्राकृतिक स्रोत समिति र महिला तथा सामाजिक मामिला समिति तथा राष्ट्रिय सभा अन्तर्गत दियो विकास तथा सुशासन समितिको बैठक आइतबारका लागि बोलाइएको छ ।  

दिगो विकासको लक्ष्य अन्तर्गत रहेको लैङ्गिक समानता तथा सामाजिक न्यायको सम्बन्धमा भएका प्रगति विवरण बारे छलफलका लागि दिगो विकास तथा सुशासन समितिको बैठक बोलाइएको छ । 

यस्तै, महिला बालबालिका तथा ज्येष्ठ नागरिक मन्त्रालयको प्रस्तुतिबारे छलफल गर्न महिला तथा सामाजिक मामिला समितिको बैठक बस्दै छ । 

साथै, हालसम्मको कार्य प्रगति, निर्णय तथा निर्देशन र समितिमा छलफल गर्नुपर्ने विभिन्न महत्वपूर्ण विषयहरूको बारेमा छलफल गर्नका लागि कृर्षि सहकारी तथा प्राकृतिक स्रोत समितिको बैठक पनि आजका लागि डाकिएको छ । तिनै समिति बैठक सिंहदरबार स्थित समितिको सभाकक्षमा आइतबार बिहान ११ बजेपछि बोलाइएको हो ।