पेप्सिकोलामा गुडिरहेको बस पल्टिँदा १० जना घाइते

१७ भदौ, काठमाडौं । पेप्सीकोलाबाट जडिबुटीतर्फ जाँदै गरेको बस पल्टिदा कम्तीमा १० जना घाइते भएका छन् आइतबार बिहान काठमाडौंको पेप्सिकोलामा गुडिरहेको बस पल्टिँदा गुडिरहेको स्कुटर, बाइकर जिपमा समेत ठक्‍कर दिएको थियो ।

जसमा चारवटा सवारी एक आपसमा दुर्घटनामा परेका छन् । दुर्घटनामा​​​​​​​ परि कम्तीमा १० जना घाइते भएको बताइएको छ । घाइते मध्ये ७ जनालाई सिभिल अस्पताल बानेश्वर उपचारको लागि ल्याइएको महानगरीय प्रहरी प्रभाग काँडाघारीले जानकारी दिएको छ ।

सामान्य घाइते भएकालाई पेप्सीकोलाकै स्थानीय अस्पतालमा उपचारका लागि लगिएको छ । दुर्घटनाबारे प्रहरीले अनुसन्धान गरिरहेको छ ।