पेप्सीकोला दुर्घटना अपडेट : घाइतेमध्ये एक जनाको मृत्यु

१७ भदौ, काठमाडौं । आज बिहान  ७ बजेतिर पेप्सीकोला-काँडाघारी सडकखण्डमा छाप्रोमा बस र जीप आपसमा ठोक्किएर भएको दुर्घटनाका घाइते ७ मध्ये एक जनाको मृत्यु भएको छ ।

मृत्यु हुनेमा सर्लाही शान्तिटोल–१ का २१ वर्षीय राज भट्टराई रहेको प्रहरीले जनाएको छ । जडीबुटीबाट पेप्सीकोलातर्फ जाँदै गरको बा३ख ४८४८ नम्बरको बस र विपरीत दिशाबाट आउँदै गरेको बा ६ च ५३४२ नम्बरको बोलेरो जिप एक आपसमा ठोक्किंदा बस पल्टिएर कुल्चिँदा बागमती प्रदेश ०२प ५३११ नम्बरको स्कुटर र बागमती प्रदेश ०२ प ४८३८ नम्बरको मोटरसाइकलमा समेत क्षति पुगेको छ ।

मृतक भट्टराई मोटरसाइकलमा सवार रहेका थिए । मोटरसाइकल र स्कुटरमा सवार दुई जना महिला घाइते अवस्थामा उपचार गराइरहेका  न् । बोलेरोमा रहेका ५ जना विद्युतका कर्मचारी घाइते भएका छन् ।