आइतबार सुनको मूल्यमा सामान्य वृद्धि, चाँदीको घट्यो

१७ भदौ, काठमाडौं । नेपाल सुनचाँदी व्यवसायी महासंघले आज नेपाली बजारमा सुनको मूल्यमा सामान्य वृद्धि आएको जनाएको छ । महासंघले आजको मूल्य सूची तोक्दै शुक्रबारको तुलनामा सुनको मूल्य १०० रूपैयाँले बढेको र चाँदीको १० रूपैयाँले घटेको जनाएको हो ।

महासंघका अनुसार आज छापावाल सुनको मूल्य तोलामा १ लाख १२ हजार ६०० र तेजाबी सुनको मूल्य तोलामा १ लाख १२ हजार ५० रूपैयाँ छ ।

शुक्रबार छापावाल सुनको मूल्य १ लाख १२ हजार ५०० रूपैयाँ र तेजाबी सुनको मूल्य तोलामा १ लाख ११ हजार ९५० रूपैयाँ थियो ।

यस्तै, आज चाँदीको मूल्य तोलामा १० रूपैयाँले घटेको जनाएको छ । शुक्रबार चाँदीको मूल्य प्रति तोला १४ सय ७० रूपैयाँ थियो । जुन, आज आइतबार १४ सय ६० रूपैयाँमा आइपुगेको हो ।