राष्ट्रपति पौडेल र प्रधानमन्त्री प्रचण्डबीच भेटवार्ता

१८ भदौ, काठमाडौं । राष्ट्रपति रामचन्द्र पौडेलसँग प्रधानमन्त्री पुष्पकमल दाहाल ‘प्रचण्ड’ले राष्ट्रपति भवन शितलनिवासमा पुगेर सोमबार बिहान भेटवार्ता गरेका छन् ।

भेटमा प्रधानमन्त्री दाहालले अमेरिकाको न्यूयोर्कमा हुने आसन्न संयुक्त राष्ट्रसंघको महासभामा आफ्नो सहभागिता र चीन भ्रमणका बारेमा जानकारी गराएको राष्ट्रपति कार्यालयले जनाएकाे छ । 

साथै सो भेटघाटमा समसामयिक राजनीतिक र सरकारको कामकारवाहीका विषयमा पनि छलफल भएको थियो ।