संघीय निजामती ऐनसम्बन्धी विधेयक मन्त्रिपरिषदमा लैजाने तयारी

१८ भदौ, काठमाडौं । सरकारले निजामती कर्मचारी ऐनसम्बन्धी विधेयकलाई मन्त्रिपरिषदमा लैजाने तयारी गरेको छ । प्रधानमन्त्री पुष्पकमल दाहाल ‘प्रचण्ड’ले सोमबार राष्ट्रियसभाको बैठकमा सांसदहरुको प्रश्नको जवाफ दिँदै यस्तो जानकारी दिएका छन् । 

उनले भोलि बस्ने मन्त्रिपरिषद बैठकले विधेयक पारित गरी संसदमा पेश गर्ने तयारी भइरहेको बताए । संघीय निजामती सेवा विधेयक ल्याउन ढिला भएको उनले स्वीकार गरे ।

उक्तविधेयक प्रतिनिधिसभाको राज्य व्यवस्था समितिबाट पारित भइसकेको छ । विधेयकलाई संसदमा पेस गर्न मन्त्रिपरिषदबाट स्वीकृत हुनुपर्ने व्यवस्था छ । ऐनको माग गर्दै कर्मचारीहरुले सडक संघर्ष समेत गर्दै आएका छन् ।

विधेयक ल्याउने जिम्मेवारी पाएको सामान्य प्रशासन मन्त्रालयको नेतृत्वमा जनमतबाट अनितादेवी साह छिन् । यसअघिका प्रधानमन्त्री प्रचण्डले माओवादी केन्द्रका अमनलाल मोदीलाई फिर्ता बाेलाएर साहलाई जिम्मेवारी दिइएको हो ।