भारतविरुद्ध नेपालको उत्कृष्ट ब्याटिङ प्रदर्शन, पानीले खेल रोकियो

१८ भदाै, काठमाडाैं । नेपालले एसिया कपमा भारतविरुद्ध उत्कृष्ट ब्याटिङ प्रदर्शन गरेपनि पानी परेपछि खेल रोकिन पुगेको छ । नेपालले इन्टरनेशल क्रिकेट स्टेडियममा टस हारेर पहिला ब्याटिङको निम्तो पाएको नेपालले ३७.५ ओभरमा ६ विकेट गुमाउँदै १ सय ७८ रन बनाएको छ । 

पानी परेपछि कभर ढाकिएको छ । दुवै टोलीका खेलाडी पेभेलिएन फर्केका छन् । पानी पर्नु अघि  ​​​​​दीपेन्द्रसिंह  ऐरी  २७ र सोमपाल कामी  ११  रन बनाएर  खेलिरहेका थिए।

ओपनर कुशल भुर्तेल र  आसिफ  शेखले  पहिलो  विकेटका लागि ६५ रनको  साझेदारी  गर्दै विश्व क्रिकेटको  पावर हाउस  भारतविरुद्ध नेपाललाई   गतिलो  शुरुवात  दिलाएका  थिए । तर  भुर्तेल २५ बलमा ३८ रन  जोड्दै आउट  भएपछि  भने नेपालका गति  रोकियो र  विकेट पनि गुमायो ।

तर  अर्का ओपनर आसिफले  अर्को एण्डबाट नेपालको इनिंग सम्हाले  । आसिफ  भारतविरुद्ध अर्धशतक बनाउने  पहिलो खेलाडी बने ।  उनी ९७ बलमा  ५८ रन  बनाएर  आाउट भए  । यस्तै  गुल्सन  झा २३, भीम सार्की  ७, रोहित  पौडेल ५ र  कुशल  मल्ल २  रन  बनाएर  आउट  भए ।  भुर्तेल र  आसिफको  साझेदारी तोडेका  रवीन्द्र  जडेजाले  तीन  विकेट लिए  । मोहम्मद  सिराजले  २ विकेट लिए ।