नेपाली क्रिकेट टोलीलाई सभामुखको शुभकामना

१८ भदौ, काठमाडौं । सभामुख देवराज घिमिरेले सोमबार संसद बैठकबाट नेपाली क्रिकेट टोलीलाई सफलताको शुभकामना दिएका छन् ।  ‘एसिया कप क्रिकेट प्रतियोगितामा सहभागी नेपाली टिमलाई प्रतिनिधिसभा र मेरो तर्फबाट समेत सफलताको हार्दिक शुभकामना व्यक्त गर्दछु’ सभामुख घिमिरेले भने ।

एसिया कप क्रिकेट प्रतियोगितामा आज श्रीलंकामा नेपाल र भारतबीच प्रतिस्पर्धा भइरहेको छ । अहिले पानी परेका कारण खेल रोकिएको छ । पालेकेले इन्टरनेशल क्रिकेट स्टेडियममा टस हारेर पहिला ब्याटिङको निम्तो पाएको नेपालले ताजा अवस्थामा ३७.५ ओभरमा ६ विकेट गुमाउँदै १ सय ७८ रन बनाएको छ ।