वर्षाले केहीबेर विथोलेको नेपाल र भारतको खेल पुनः सुरु

१८ भदौ, काठमाडौं । एसिया कपमा  बर्षाले केहीबेर विथोलेको नेपाल र भारतको खेल पुनः सुरु भएको छ । श्रीलंकाको पालेकेले इन्टरनेशल क्रिकेट स्टेडियममा टस हारेर पहिला ब्याटिङको निम्तो पाएको नेपालले ३७।५ ओभरमा ६ विकेट गुमाउँदै १ सय ७८ रन बनाउँदा बर्षाको कारण खेल रोकिएको थियो ।

वर्षाको कारण खेल ४५ मिनेट रोकिन पुगेको थियो । ओभर भने घट्ने छैन । एसिसीको नियम अनुसार एक घण्टा अतिरिक्त समय हुँदा ओभर नघटेको हो । तर अव पुन रोकिएको खण्डमा भने ओभर घट्ने पक्का छ । पानी परेपछि केहीबेर अघिदेखि रोकिएको खेल पुनः सुचारु भएको हो ।

रोकिनुअघिसम्म नेपाले नेपालले ३७.५ ओभर ६ विकेटको क्षतिमा १७८ रन बनाएको थियो । सोही ओभरबाट खुल शुरु भएको हो । खेल ५० ओभरको हुनेछ ।

अहिले क्रिजमा सन्दिप लामिछाने र सोमपाल कामी छन् । नेपालले ६ विकेट गुमाइसकेको अवस्था छ ।  दुवै टोलीलाई आजको खेल जित्नै पर्ने दबाब छ । जित्नेले सेमिफाइनलको यात्रा तय गर्नेछ । तस जितेर भारतले बलिङ रोजेपछि नेपाल ब्याटिङ गरिरहेको हो । नेपालले ब्याटिङमा उत्कृष्ट प्रदर्शन गरिरहेको छ ।