बागमती कांग्रेसको सचेतकबाट काफ्लेले दिए राजीनामा

१९ भदौ, काठमाडौं । नेपाली कांग्रेस बागमती प्रदेश संसदीय दलको सचेतक पदबाट कुन्दनराज काफ्लेले राजीनामा दिएका छन् । मंगलबार बिहान संसदीय दलका नेता बहादुर सिंह लामालाई उनले राजीनामा पत्र बुझाएका हुन् ।
 
उनले आफ्नो निर्वाचन क्षेत्रका नागरिकहरूको सेवामा समय दिन नपाएको महसुस भएकाले सचेतक पदबाट राजीनामा दिएको बताए । पदबाट राजीनामा दिएका काफ्लेले आफ्नो सम्पूर्ण समय पार्टी सङ्गठनलाई चलायमान र गतिशील बनाउन तथा दोलखाका नागरिकहरूको सेवामा व्यतीत गर्ने बताए ।