प्रधानमन्त्रीको चीन भ्रमणको पुर्वसन्ध्यामा भारतको मन्त्रिपरिषदबाट १० हजार मेगावाट विद्युत किन्ने प्रस्ताव पारित

१९ भदौ, काठमाडौं । प्रधानमन्त्री पुष्पकमल दाहाल प्रचण्डले चीन भ्रमणको तयार गिरिरहेका बेला भारतले नेपालको हितमा महत्वपूर्ण निर्णय गरेको छ । भारतको मन्त्रिपरिषदको बैठकबाट आउँदो १० वर्षमा नेपालबाट १० हजार मेगावाट विद्युत खरिद गर्ने सम्झौता स्वीकृत गरिएको हो ।

भारतका लागि नेपाली राजदूत डा. शंकर शर्माले योसँगै नेपालबाट १० हजार मेगावाट विद्युत खरिद गर्ने प्रक्रिया खुला भएको बताएका छन् । आगामी १० वर्षमा नेपालबाट १० हजार मेगावाट विद्युत् खरिद गर्न भारतको मन्त्रिपरिषदको स्वीकृतिले नेपालमा विद्युत विकासको नयाँ मार्गचित्र निर्माण गर्ने बाटो खुलेको छ । 

नेपालले जेठ तेस्रो साता प्रधानमन्त्री पुष्पकमल दाहालको भारत भ्रमणका क्रममा समझदारीमा हस्ताक्षर गर्न चाहेको थियो । तर त्यतिखेर भारतले मन्त्रिपरिषदमा छलफल हुन नपाएको भनेर हस्ताक्षर गर्न मानेको थिएन । तैपनि भारतीय प्रधानमन्त्री नरेन्द्र मोदीले द्विपक्षीय वार्तापछि नेपालबाट १० वर्षमा १० हजार मेगावाट विद्युत किन्ने घोषणा गरेका थिए ।

यो घोषणा भारतले नेपालसँगको विद्युत व्यापारसम्बन्धी समझदारी पत्रलाई स्वीकृत गरेपछि पूर्णा भएको छ । प्रधानमन्त्री प्रचण्ड  गत जेठमा भारत भ्रमणमा गएका बेला विद्युत व्यापारसम्बन्धी दुई पक्षीय सहमति भएको थियो । तर, भारतको मन्त्रिपरिषदले अनुमोदन गर्न बाँकी रहेकाले सम्झौताको रुप धारण गर्न सकेको थिएन । 

द्विपक्षीय वार्तापछि भारतीय प्रधानमन्त्री नरेन्द्र मोदीले आफ्नो मन्तव्यमा भारतले नेपालबाट १० वर्षमा १० हजार मेगावाट विद्युत किन्ने घोषणा गरेका थिए । प्रधानमन्त्री तहको वार्तामै त्यसलाई छिट्टै मन्त्रिपरिषदबाट पारित गरिने प्रतिबद्धता भारतले जनाएको थियो । यो सम्झौतालाई लिएर प्रधानमन्त्री प्रचण्ड निकै आलोचित समेत भएका थिए । प्रमुख प्रतिपक्षी दल नेकपा एमालेको अध्यक्ष केपी होलीले भारतबाट राँगा मात्र आएको बताएका थिए । 

नेपालले दीर्घकालीन विद्युत व्यापार गर्ने प्रस्ताव भारत समक्ष राख्दै आएको थियो । प्रशस्तै ‘नेगोसिएसन’ पछि प्रधानमन्त्री दाहालको भ्रमणका बेला त्यस विषयलाई भारतीय प्रधानमन्त्री मोदीको वक्तव्यमा राखिएको थियो । गतसाता भारतको मन्त्रिपरिषदले नेपालसँगको दीर्घकालीन विद्युत व्यापारको विषयलाई अनुमोदन गरेको हो ।

मंगलबार बिहान राजदूत शर्माले सामाजिक सञ्जाल ‘एक्स’ मा भारतले आगामी १० वर्षमा नेपालबाट १० हजार मेगावाट विद्युत् खरिद गर्ने निर्णय गरेको लेखेका छन् । उनले यसले नेपालको आर्थिक विकास र पुनर्संरचनामा महत्त्वपूर्ण भूमिका खेल्ने विश्वास समेत व्यक्त गरेका छन् ।