राजनीतिक दलहरुको खाता सार्वजनिक लेखा समितिकाे निगरानीमा हुनुपर्ने सांसद भट्टराईको जिकिर

१९ भदौ, काठमाडौं । प्रमुख प्रतिपक्ष दल नेकपा (एमाले)का सांसद योगेश भट्टराईले राजनीतिक दलहरूको बैंक खाता लेखा समितिले निरागनी गर्नुपर्ने बताएका छन् । 

सार्वजनिक लेखा समितिको मंगलबारको बैठकमा एमाले सचिवसमेत रहेका भट्टराईले राजनीतिक दलहरू पारदर्शी र जवाफदेही बन्नुपर्नेमा जोड दिँदै दलको बैंक खाता समितिले चेक गर्न पाउनुपर्ने बताए । 

यसबाट राजनीतिक दलहरूको आर्थिक व्यवहार कसरी र कोबाट चलिरहेको छ भन्ने विषय संसदीय समितिको क्षेत्रधिकारभित्र रहने र आम्दानी र खर्चमा पारदर्शिता आउने बताए । पार्टी मन्त्री हुँदा हुने बक्यौतासम्बन्धी विवरण सम्बन्धित पार्टीलाइै लेखेर पठाउने विधिको सुरुवात गर्न पनि संसदीय समितिको पहुँचले सहजता प्रदान गर्ने उनको भनाइ थियो । 

साथै भट्टराई सरकार कतिपय सचिवले मन्त्रीको निर्देशन पालना नगरेको भन्दै जवाफदेहिता कायम गर्न आर्थिक सुशासनलाई मजबुत बनाउनुपर्नेमा जोड दिए । सचिव रहेका बेला मन्त्रीले भनेका राम्रा कुरा नमान्ने र बेरूजु राख्ने व्यक्ति अवकाल पाएपछि संवैधानिक नियुक्तिमा लैजाने परम्पराले आर्थिक सुशासन नआउने उनले बताए ।