परोपकार प्रसूति अस्पातलमा आजदेखि अनलाइन टिकट

२० भदाै, काठमाडाैं । सरकारी स्वामित्वकाे एक मात्र थापाथलीमा रहेको परोपकार प्रसूति तथा स्त्री रोगअस्पातलले बुधबारदेखि अनलाइन टिकटको व्यवस्था सुरु गरेको छ ।

अस्पतालले ६४ औं वार्षिकोत्सवको अवसर पारेर बुधबारदेखि अनलाइन व्यवस्था सुरू गरेको हो । बिरामीको चापलाई मध्यनजर गरेर अनलाइन टिकटको व्यवस्था सुरु गरेको अस्पतालले अनलाइन टिकट र थप एक/एक वटा बिलिङ र टिकट काउन्टरसमेत थप गरी सञ्चालनमा ल्याएको जनाएको छ । 
 
स्त्री रोग अस्पतालले सेवाग्राहीले औषधि खरिद गर्ने सहजताको लागि फार्मेसी काउन्टरसमेत थप गरेको छ ।