ज्योति क्यापिटलको एजीएम आज, १०.५२ प्रतिशत नगद लाभांश वितरण मुख्य एजेन्डा

२१ भदौ, काठमाडौं । ज्योति क्यापिटलको साधारण सभा आज (भदौ २१ गते) बस्दैछ । सभामा ज्योतिले १०.५२ प्रतिशत नगद लाभांश वितरण गर्ने प्रस्ताव लैजाँदैछ । सभा ज्योति विकास बैंकको केन्द्रीय कार्यालय, कमलपोखरी काठमाडौंमा बिहान ९ बजे सुरु हुनेछ । सभामा क्यापिटलको केन्द्रीय कार्यालयको ठेगाना परिवर्तन गर्ने प्रस्ताव पनि छ ।  

यस्तै, आर्थिक वर्ष २०७९–८० को सञ्चालक समितिको प्रतिवेदन, वासलात, नाफा नोक्सान लगायतका एजेन्डामा पनि छलफल हुनेछ । सभामा आर्थिक वर्ष २०८०–८१ का लागि लेखापरीक्षक नियुक्ति तथा पारिश्रमिक निर्धारण गर्ने अर्को एजेन्डा पनि पेश हुनेछ ।